ماهو انسب حل لهذه المشكلة؟

وعليكم السلام ورحمة الله وبركاته 

ديكسون lll للسيارات القديمة 

المناسب لك نفس الصورة

ولا تغيرة لأنه اصبح قديم و بيضرب القير

الله يبيض وجهك اخي التركي .. اشكرك ودي اعطيك لايك لكن ما يمدي لازم اكمل 40 نقطة  .. روح الله يفتح عليك من جميع ابوابه

على حسب المنطقه لوفي منطقه بارده غيرالمناطق الحاره
بعدين الي قالك يضرب القير غلطان 

انا في الدمام اخي saad يعني  الحرارة والرطوبة اعلى ما يكون والحمد لله .. شكرا لك اخي على ردك وتفاعلك جزيت خيرا

كل سيارات امريكا مايغيرون زيتها يزيدونها وبعدها يجيك 
البيان ويستوردها ويبيعها عندنا والشعب يشتريها ويغيير زيتها 
ولاصارلها شي 

صحيح يضرب القير بسبب التغير المفاجئء للزوجة و اختفاء كمية الرايش الكبيرة من داخل الطنجرة و الكلتشات فا تزيد المشافة بينهم و يفرط slipو الحل شيك علی الزيت اذا لونه اسود و فيه براده حديد (رايش) كثير و ريحته حرق لا تغييره .

فيه طريقة تغيير تنفع في هذي الحالة و هي انك تسحب ربع الكمية و تضيف مثلها و تمشي فترة مثلا 7000 كلم ثم تسحب ربع و تضيف ربع و تمشي 5000 كلم و تسحب ربع و تضيف و تمشي 3000 كلم و تسحب ثلثين و تضيف مثلها و تمشي 3000 كلم و اذا شفت ان لون القير صار افتح من قبل غير كامل الزيت مع الفلتر ان وجد و يفضل تفك مخ القير عشان تنظفه او تروح لبتروميم و يسوون لك غسيل كامل للقير من المخ و الطنجرة و المبر و المواصير بس مشكلتهم ما يغيرون الفلتر .

شكرا اخي الفاضل خالد.. راح اشيك عليه ان شاء الله ما يطلع ريحته حرق .. جزيت الجنة

معليش انا اشوف كثير اعضاء يقولون طريقة العضو خالد

ولكن الحالة النفسية اللي تعيشيها والوسوسه وقت التجارب والسحب وتضيع وقتك

وفوق هذا تضيع فلوس ما احد بيسحب لك ويضيف مجانا

شوف كم مره تسحب وتضيف تسحب وتضيف وتجرب ووسوسة وكل شوي تشم الريحه كأنك مدمن

بالنهاية بعد ما تخلص كامل الطريقة تحصل نفسك دفعت مبلغ قيمة القير مستخدم او قيمة توضيب

وش عليه استخدمه على نفس الوضع و انت مرتاح البال ومتى ما خرب غيرة وانتهى الموضوع

اذا كان الشخص ما عنده القدرة علی التوضيب خصوصا ان الورش يتعاملون مع السعودي ان كيس فلوس متحرك و لا يهتمون لحالة القير اصلا هم يسحبون فلوس علی حسب نوع السيارة مثلا توضيب قير اللكزس يقول هو معه لكزس اكيد معه فلوس كثير و يرفع السعر و الشي الثاني لو ادفع اغلی من القير اهم شي عندي ان هذا قير الموتر جد البلد ليش اغيره بقير مجدد ما اعرف وش اللي فيه او اشتري تشليح ما اعرف وش استخدامه و هذي اصلا طريقة الورش يرفع قيمة التوضيب عشان يبيعك قير من عنده او من عند خويه او يستفيد من القير .

مثلا بسيط الاكسنت عندي ما تعشق ثالث و سبق طرحت موضوع و رحت للورش و قالو ان التوضيب مقارب لسعر المجدد و يحاولون يعطوني القير حقهم وانا رافض و يقولون ان ما فيه ترس لحاله و يلفون و يدورون و في النهاية وضبت القير .

ما افرط بشيء اعرفه مقابل اني اشتري شي رخيص ما اعرف اوله من تاليه .



الطريقة المذكورة ما تكلف 1000 ريال بالكثير و يختلف عدد مرات السحب بحسب الممشي الزايد عن الممشي المحدد يعني بعض الاحيان مرتين يكفي و بعضها 5 مرات و يحكمك عدد لترات القير مثلا الاكسنت 6 لتر كامل و الاكسبدشن 12 لتر كامل اكيد فيه فرق بالسعر لان كمية السحب اكثر 


و هذي وجهه نظري ^^

مشكور اخوي خالد واخوي ابراهيم .. انا راح استخير والله يكتب الي فيه الخير  .. بارك الله فيكم ونفع بكم الاسلام والمسلمين

توكل على الله وغيره مع الفلتر  الفلتر هو سبب خرابه لان ينزل الزيت ويبقى الفلتر و الشواهب اللي فيه ما يطلع الزيت زين 

غيره مع الفلتر و بعد ما تشغل انتظر 10 دقايق ثم حول من الp إلى r بدون ما تحرك وانتظر وبعدها على N لين ما تمررها على جميع النمر وتوكل على الله وامشي حبه حبه

اخوي غير الزيت اصلي وكاله . لا تغير الفلتر .

ليش ما يغير الفلتر ضروري تغيير الفلتر 

لا تغيره لا زيت ولا فلتر كلها اتركها بحالته لين يخبط القير 

الله يحفظكم اخواني من كل شر شكرا على ردكم وتفاعلكم

دام وصل الممشى ذا و ما تغير انصحك تزود فقط 

انا معي اختها الانفوي شريتها ماشيه 280 الف ومادري اذا صاحبها مغير الزيت او لا وشيكت على زيت القير ولقيته اسود ومحروق وفيه رايش كثير
وغيرته كامل مع الفلتر والحمد لله لي سنه ماشي عليه ماشفت شيء  

وفقكم الله اخواني شكرا لكم.. الله يسعدكم